KCC都算係葵興堂食黃店集中地，入素 最近喺度開左分店，聖誕流流食咁多好西，有機會就唔好食咁多肉啦！所以可以「食肉」。未夠一點落去，唔算太滿，但宜家剩返吧台，好適合打卡。

睇睇餐牌先

呢度用QR Code落單嘅，今次叫左兩個餐，分甘同味。落單之後好快就上個湯啦！

手工海南雞飯(純素) 多飯 $78

黃薑飯有椰子味

又有麻醬沙律配生菜

雞皮係粉皮配黃薑粉加色，好滑，雞肉係一層層腐皮嘅素鴨，外形好像真，雖然裡面唔算太似，但感覺好好食。

醬汁方面：左邊係東南亞嘅黑油，好濃好甜，無刻意就香港人口味落返普通豉油溝淡，點落去會好有感覺

中間酸辣，似雞醬架粗，唔係馬來西亞口味

右邊薑蓉，唔會太咸

咖喱吉列豬扒飯(純素) $76

呢度嘅豬扒外皮好脆，裡面好軟，有芋頭魚嘅感覺，如果有肉素肉，應該有溝過其他材料。咖哩唔係好甜嘅日式咖哩，反而有少少似港式味道，鹹啲辣啲，令佢唔會太膩。

** 轉麻醬撈麵(加$10》=$86

呢個撈麵有甜豉油同麻醬(唔係日式芝麻沙律醬)，配白色麵好夾，雖然個麵唔算好爽，但好有台式感覺，所以整體會好Chill

(小食)桂花叉燒(純素) $22

桂花味唔係好食到，不過呢度有一個好處。就係呢度嘅叉燒煎得好香，有啲地方做到燶邊好香脆，其他地方係軟嘅。如果用炸嘅方法，麵筋變得好硬，咁就唔係叉燒，係燒鵝啦！

柑桔檸檬汁 (左) $8

酸味相對重啲，感覺清新

雜莓汁(右) $8

幾種紫色莓，香甜味，底飲到皮，咁多花青素，應該對雙眼好好。

總數 $202