一直都好想試下四喜月餅，玩味月餅，特別是花生醬味十分吸引，但每次都係留意得遲錯過了預訂時間，而地點對我來講又太唔就腳，去到又驚冇現貨，只好留意Facebook動向，見到30/9會有現貨賣，即想衝去買~但要返工，放工去到又怕售罄.....正當徬徨之際，光芒出現了!駐荔枝角的閨蜜知我好想食，竟然幫我買左(仲要係工作中偷偷地出左去買)~實在太感謝了!約收工後去荔枝角拎月餅順便一齊食飯。
因為中秋前夕公司有得放早點，早左去到，等友人收工時順便去睇下四喜店的真身同月餅而加咩環境，去到間店即留意月餅，仲有現貨，同好多人買，但唔洗排隊(早上好多人排)，除了月餅，其他麵包蛋糕都幾吸引。
迷你花生醬奶黃月餅及迷你伯爵茶奶黃月餅。
迷你花生醬奶黃月餅(四件裝)，$122，紙盒裝，設計懷舊，據聞呢個花生是新封面來的，食住花生等睇戲，實在太貼提了!月餅賣相金黃，餅上印有四喜，究竟花生醬月餅咩味，要即試下了，餅皮口感鬆化，內餡真係好有花生醬味，同時有奶醬味，果然如傳聞中似格仔餅味，甜而不膩，估唔到夾到，適合一眾花生友。
迷你伯爵茶奶黃月餅(四件裝)，$122，封面好港式懷舊之餘，背後有意思，最焦點係個月曆及電視，伯爵茶味食品尚算幾普遍，但估唔到會係月餅到出現，月餅賣相幾有特色，似有一點點茶粉，餅皮口感鬆化但較易碎，入口淡淡的茶香味滲出，之後有少許回甘，微甜不膩。
包裝及口味都有創意，包裝懷舊同時又好新穎，不失時事，玩味之餘不失味道，月餅唔太甜幾好味，支持良心小店。
長沙灣青山道500號百美工業大廈地下B6-8號舖
| 
