分享
收藏
讚好
昨晚煮了一餐好 "清" 晚飯 (可來我 Facebook 睇睇) , 因我家奶奶剛剛身體好番, 唔想煮 太濃餸菜給她食, 所以諗咗幾個清清地, 但又鮮甜餸菜同她及家人分享. 今日就先介紹這個用玫瑰鍋蒸煮海鮮鍋. 呵呵!......索滿海鮮精華粉絲, 及鮮甜美味鮑魚花甲, 奶奶及家人都食得好開懷. (嘻嘻.......又成功了)
鮑魚 (7 隻), 花甲 (1 斤), 粉絲 (2 扎 - 切段)
蒜頭 (10 粒 - 切碎), 水 (約 20 湯匙) 蔥段 (少量 - 墊底用) 做法 1) 鮑魚用牙刷清洗乾淨, 備用. 2) 花甲放在鹽水中, 讓它自然吐沙約 1 小時以上, 然後清洗乾淨, 備用. 3) 粉絲用熱水浸至軟身, 備用. 4) 先在玫瑰鍋平舖蔥段, 然後放上粉絲及加入水, 灑上蒜蓉, 跟住平舖鮑魚及花甲, 再灑上蒜蓉. 5) 開中火煮至滾起時, 轉中細火煮約 15 分鐘, 熄火焗 5 分鐘就可食用. 請來我 Facebook 專頁按 "讚好" 給我支持啦! www.facebook.com/moneyeekitchen
|
~END~
| 商店 |
檢舉