分享
收藏
讚好
我這陣子忽然好想試下整好多野食, 所以不停地嘗試, 上網睇左好多的食譜分享唯獨是屋企只有光波爐, 所以整左幾次, 終於整到好靚既芝士波波了 T_T 太感動！ 不過我最近都買左焗爐啦 ! 太開心了~ 所以同大家一齊分享下不同的相片~ 我有好多都唔識, 有D係睇書試下, 有D係睇人地既上網既食譜 ~ 芝士波波 綠茶味小蛋糕 忌廉蛋糕 不過呢個失敗左, 係因為我用光波爐整架, 中間原來整唔熟, 所以只有整開中間個個位, 自己打左好多忌廉整埋上去遮住左個洞洞就冇人見到啦 ~ 哈哈 ! 不過我先發現要打好忌廉, 先可以整好蛋糕 ~ 天使蛋白蛋榚 之後我就買左焗爐, 真係好方便, 整一次就可以焗熟, 想當年用光波爐光波爐整蛋白蛋榚係要前後反轉2次, 因為光波爐係得一條發熱線 T_T 呢個係我整得整成功個個, 因我睇左 J.miAka, 入面有好詳細既介紹同教學, 真係謝謝牙 !! >V< # 我次次整都浪費左5個蛋黃, 想問下大家有冇咩可以整到架!? 我見到話可以整到 雞蛋布丁、朱古力雪糕、菠蘿包 , 不過對我黎講除左第一個 雞蛋布丁我試之外其他我都5係好識~ 謝謝大家指教下了 ~ 參考至 J.miAka「天使蛋白蛋糕(光波爐和焗爐)」 : http://www.seewide.com/space-article-id-49254.html 奶凍 呢個又係易, 不過我都只係好好好好是但甘落份量, 食入口唔係好滑, 不過都好似奶凍既, 哈哈 仲有加埋大大粒的士多啤利, 真係太開心了~ 其他仲有好多我未貼上黎, 不過遲D再分享下~ 希望可以整得更好味 ^_^ |
~END~
| 商店 |
檢舉